சுவாச நோய்களினால் பாதிக்கப்படும் சிறுவர்கள் குறித்து விடுக்கப்பட்டுள்ள அறிவுறுத்தல்!!

 சுவாச நோய்களினால் பாதிக்கப்படும் சிறுவர்கள் குறித்து விடுக்கப்பட்டுள்ள அறிவுறுத்தல்!!

இலங்கையில் சிறுவர் சுவாச நோய்களின் அதிகரிப்பு பெற்றோர்கள் மத்தியில் கவலையை ஏற்படுத்தியுள்ளது. இதனால், ஆஸ்துமா மற்றும் இதற்கான சிகிச்சை முறைகள் குறித்து மருத்துவ நிபுணர்கள் முக்கிய அறிவுறுத்தல்களை வழங்கியுள்ளனர்.

சிறுவர் சுவாச நோய் நிபுணர் டொக்டர் சன்ன டி சில்வா தெரிவித்ததாவது, "ஆஸ்துமா உள்ளிட்ட சுவாச நோய்களால் பாதிக்கப்படும் குழந்தைகளை உடனடியாக அருகிலுள்ள சிறுவர் வைத்தியசாலைகளுக்கு அழைத்துச் சென்று சிகிச்சை பெறச் செய்ய வேண்டும். இவ்வாறு சிகிச்சை பெறுவது குழந்தைகளின் உடல்நலத்தை மேம்படுத்த உதவும். மேலும், மருத்துவர் பரிந்துரையின் அடிப்படையில் இன்ஹேலர்களைப் பயன்படுத்துவது சுவாசக் கோளாறுகளை கட்டுப்படுத்த முக்கியமாகும்," என்றார்.

இவற்றை கருத்தில் கொண்டு, இலங்கை நுரையீரல் சம்மேளனத்தினால் "Richasaru 2025" என்ற 15வது சர்வதேச கல்வி மாநாடு பெப்ரவரி 8 முதல் 12 வரை கொழும்பில் நடத்தப்படும்.

இந்த மாநாடு புதிய சிகிச்சை முறைகள், ஆராய்ச்சிகள் மற்றும் சுவாச நோய்களை தடுக்க என்ன செய்யலாம் என்பதை ஆராயும் வகையில் உலகளாவிய நிபுணர்களை ஒன்றிணைக்கிறது.

பெற்றோர்கள் குழந்தைகளின் சுகாதாரத்தில் கூடுதல் கவனம் செலுத்தி, மருத்துவரின் வழிகாட்டலின்படி நடவடிக்கை எடுக்குமாறு அறிவுறுத்தப்பட்டுள்ளனர்.

Srilanka Tamil News