கொழும்பில் அடுக்குமாடி குடியிருப்பிலிருந்து விழுந்து சிறுமி உயிரிழப்பு!!

 கொழும்பில் அடுக்குமாடி குடியிருப்பிலிருந்து விழுந்து சிறுமி உயிரிழப்பு!!

கொழும்பு – கொழும்பு, பொரளை பகுதியில் உள்ள 24 மாடி அடுக்குமாடி குடியிருப்பின் 12வது மாடியில் இருந்து விழுந்து 16 வயது சிறுமி ஒருவர் உயிரிழந்துள்ள சம்பவம் பரபரப்பை ஏற்படுத்தியுள்ளது.

இந்த அனர்த்தம் நேற்று இரவு இடம்பெற்றதாக பொலிஸார் தெரிவித்துள்ளனர். சிறுமி பாரிய காயங்களுடன் கொழும்பு தேசிய மருத்துவமனையில் அனுமதிக்கப்பட்ட பின்னர் உயிரிழந்தார்.

சிறுமி மன அழுத்தம் காரணமாக சில நாட்களாக சிகிச்சை பெற்று வந்ததாக அவரது தாயார் குறிப்பிட்டுள்ளார். இதனால், சம்பவம் தற்கொலையா அல்லது தவறுதலான விபத்தா என்பது குறித்து ஆழ்ந்த விசாரணைகளை பொலிஸார் மேற்கொண்டு வருகின்றனர்.

சம்பவம் தொடர்பான மேலதிக விசாரணைகள் தொடர்ந்து நடைபெற்று வருகின்றன.

_Srilanka Tamil News_