வவுனியா சுந்தரபுரத்தில் ஒருவர் வெட்டிக் கொலை!!

வவுனியா சுந்தரபுரம் பகுதியில், கடந்த தீபாவளி தினத்தன்று தனது மாமியாரை துப்பாக்கியால் சுட்டு கொலை செய்ததாக சந்தேகத்தின் பேரில் பிணையில் விடுவிக்கப்பட்ட 28 வயதுடைய நபர், இன்று மோட்டார் சைக்கிளில் வந்த மைத்துனரால் கூரிய ஆயுதம் கொண்டு கொலை செய்யப்பட்டார்.

ஆரம்ப விசாரணைகளின் படி, கொலை செய்யப்பட்ட நபர் தனது வீட்டுக்கு அருகில் மோட்டார் சைக்கிளில் வந்த மைத்துனரால் வெட்டிக் கொலை செய்யப்பட்டார். சம்பவம் தொடர்பாக ஈச்சங்குளம் பொலிஸார் விசாரணைகளை முன்னெடுத்து வருகின்றனர்.

குறித்த மைத்துனர் கைது செய்யப்பட்டு, அவருக்கு எதிரான வழக்கு மேலதிக விசாரணைகளுக்காக தொடர்ந்துள்ளன.

_Srilanka Tamil News_