கட்டுநாயக்க விமான நிலையத்தில் பனிமூட்டம்!!

 கட்டுநாயக்க விமான நிலையத்தில் பனிமூட்டம்!!

2025, ஜனவரி 7 – இன்று அதிகாலை 5:00 மணியளவில் கட்டுநாயக்க விமான நிலையத்தில் நிலவிய அடர்ந்த பனிமூட்டம் காரணமாக, பல விமானங்கள் தரையிறங்க முடியாமல் மத்தள மற்றும் இந்தியாவின் திருவனந்தபுரம் விமான நிலையங்களுக்கு மாற்றப்பட்டன.

இந்தியாவிலிருந்து பெங்களூரு, துருக்கி மற்றும் சீனா ஆகிய இடங்களிலிருந்து வந்த விமானங்கள் பனிமூட்டத்தால் பாதிக்கப்பட்டுள்ளன. குறிப்பாக, ஸ்ரீலங்கன் ஏர்லைன்ஸ் UL-226, UL-881, UL-174, மற்றும் துருக்கிய ஏர்லைன்ஸ் விமானம் ஆகியவை மாற்றப்பட்டன.

காலை 7:00 மணிக்குப் பிறகு பனிமூட்டம் குறைந்து, விமான நிலையம் வழமை நிலைக்கு திரும்பியது. 9:00 மணிக்கு, மாற்றப்பட்ட அனைத்து விமானங்களும் கட்டுநாயக்க விமான நிலையத்திற்கு திரும்பி, விமான சேவைகள் சாதாரணமாக நடைபெறுகின்றன.

_Srilanka Tamil News_