முல்லைத்தீவில் நாய்க்கு மரண தண்டனை விதித்த பெண் கைது...!!

 முல்லைத்தீவில் நாய்க்கு மரண தண்டனை விதித்த பெண் கைது...!!

வடமாகாணம், மாங்குளம்: ஒட்டுசுட்டானில் நடைபெற்ற விசித்திர சம்பவம் தொடர்பாக 48 வயதுடைய பெண் ஒருவர் கைது செய்யப்பட்டுள்ளதாக பொலிஸ் அதிகாரிகள் இன்று தெரிவித்துள்ளனர். அந்த பெண், அவள் ஆட்டினை கடித்ததாக கூறி, நாயை தூக்கிலிட்டு கொலை செய்யும் வகையில் உத்தரவிட்டதாக முன்னதாக செய்திகள் பரவியுள்ளன.

சம்பவம் சமூக ஊடகங்களில் பெரும் அதிர்ச்சியை ஏற்படுத்தியுள்ள நிலையில், பொதுமக்கள் இந்த மனிதாபிமானமற்ற செயலை கண்டித்து விரிவான விமர்சனங்களை தெரிவித்துள்ளார். “ஐந்தறிவுடைய உயிரினத்திற்கு இவ்வாறான கொடூரமான தண்டனை வழங்கப்பட்டதோடு, இது சமூகத்தில் பரவலாக கண்டிக்கப்பட வேண்டும்” என பலரும் கருத்து தெரிவித்தனர்.

இந்த சம்பவம் தொடர்பாக, மாங்குளம் பொலிஸ் நிலையத்தில் விசாரணைகள் முன்னெடுக்கப்பட்டன. விசாரணைகளின் அடிப்படையில், குற்றவியல் நடைமுறைச் சட்டம் மற்றும் 1907ஆம் ஆண்டு 13ஆம் இலக்க விலங்குகளுக்கு வன்கொடுமை செய்வதைத் தடுக்கும் கட்டளைச் சட்டத்தின் கீழ் பெண் ஒருவரை கைது செய்துள்ளதாக பொலிஸ் ஊடகப் பேச்சாளர், சிரேஷ்ட பொலிஸ் அத்தியட்சகர் புத்திக மனதுங்க தெரிவித்தார்.

விலங்குகளுக்கு எதிரான இவ்வாறான மனிதாபிமானமற்ற செயல்கள், பொதுமக்களில் அதிகரித்து வருவதாகவும், இதனால் சமூக சீர்குலைவு ஏற்படுவதாகவும் எச்சரிக்கை விடுக்கப்பட்டுள்ளது.

இந்தச் சம்பவம், விலங்குகளின் உரிமைகள் மற்றும் மனிதாபிமானத்தை பேணுவது என்பது சமூகத்தின் முக்கிய கடமைகளில் ஒன்றாக உள்ளதை நினைவூட்டுகிறது.

Srilanka Tamil News