ரயில் மீது தொடர்ந்து கல்வீச்சு – 15 வயதுக்குட்பட்ட மூவர் கைது!
யாழ்ப்பாணம் சாவகச்சேரி பகுதியில் யாழ் தேவி ரயில் மீது தொடர்ந்து கல் வீசியதாக குற்றஞ்சாட்டப்பட்ட மூன்று சிறுவர்கள் நேற்று (சனிக்கிழமை, 22) கைது செய்யப்பட்டுள்ளனர்.
யாழ். மாவட்ட பொலிஸ்மா அதிபர் காலிங்க ஜயசிங்கவின் உத்தரவின்படி, மாவட்ட பொலிஸ் புலனாய்வுப் பிரிவின் தகவலுக்கு அமைய, யாழ்ப்பாண பொலிஸார் இந்த மூவரையும் கைது செய்துள்ளனர்.
வயது: 13 முதல் 15 வயதுக்குட்பட்ட சிறுவர்கள்
நிலையான கல்வி இல்லை, ஏற்கனவே குற்றச் செயல்களில் ஈடுபட்டவர்கள்
சிறுவர் நீதிமன்றத்தில் முற்படுத்தப்படும்.
யாழ். தேவி ரயில், யாழ்ப்பாணம் நோக்கி சென்றபோது, அரியாலை பகுதியில் கல்வீச்சு தாக்குதல் நடைபெற்றுள்ளது.
ரயிலில் பயணித்த ஒருவர் இந்த சம்பவத்தை தற்செயலாக வீடியோவில் பதிவு செய்துள்ளார்.
இந்த தாக்குதலால் ஒருவருக்கு காயம் ஏற்பட்டுள்ளது, அவர் யாழ். போதனா வைத்தியசாலையில் சிகிச்சை பெற்றுள்ளார்.
யாழ்ப்பாண ரயில் நிலையமும் இதற்கான முறைப்பாடு செய்துள்ளது.
தற்போதைய நிலை
பொலிஸார் பெற்றோர்களின் உதவியுடன் சிறுவர் நீதிமன்றத்தில் இவர்களை முற்படுத்த நடவடிக்கை எடுத்து வருகின்றனர்.
சிறுவர்களின் கடந்த நடவடிக்கைகள், காரணங்கள், பின்னணி பற்றிய விசாரணைகள் தீவிரமாக நடைபெற்று வருகின்றன.
.png)
0 Comments