இறுதிச் சடங்கொன்றின் போது உயிரிழந்த இரு சகோதரர்கள்!!

பத்தேகம, மத்தேவில பகுதியில் நேற்று (27) இரவு இடம்பெற்ற ஒரு இறுதிச் சடங்கின் போது, இரு குழுக்களுக்கிடையில் ஏற்பட்ட கடுமையான மோதலில் இருவர் உயிரிழந்துள்ள சம்பவம் பெரும் பரபரப்பை ஏற்படுத்தியுள்ளது.

சம்பவத்தின் போது பலர் தாக்குதலுக்கு உள்ளாகியுள்ளனர். குறிப்பாக, இரு சகோதரர்கள் மீது ஏற்பட்ட கடுமையான தாக்குதலால், அவர்கள் படுகாயமடைந்து வைத்தியசாலையில் அனுமதிக்கப்பட்டனர். எனினும், அவர்களின் உயிரை காப்பாற்ற முடியாமல், அவர்கள் உயிரிழந்ததாக பொலிஸார் தெரிவித்துள்ளனர்.

மேலும், இந்த மோதலில் மற்றொரு இருவரும் காயமடைந்து மருத்துவ சிகிச்சை பெற்று வருகின்றனர்.

இந்த சம்பவம் தொடர்பாக பொலிஸார் மேலதிக விசாரணைகளை மேற்கொண்டு வருகின்றனர்.

— Srilanka Tamil News