விவசாயிகளுக்கு அரசாங்கம் வெளியிட்ட மகிழ்ச்சியான அறிவிப்பு!!

 விவசாயிகளுக்கு அரசாங்கம் வெளியிட்ட மகிழ்ச்சியான அறிவிப்பு!!

காட்டு விலங்குகளால் விவசாயப் பயிர்களுக்கு ஏற்படும் சேதத்தைத் தடுக்கும் நோக்கில், இலங்கை விவசாய அமைச்சு சிறப்புக் குழுவை நியமித்துள்ளது. விவசாய அமைச்சர் கே.டி. லால்காந்தா அவர்களின் ஆலோசனைக்கமைய, விவசாய அமைச்சின் செயலாளர் டி. பி. விக்கிரமசிங்க தலைமையில் இந்தக் குழு அமைக்கப்பட்டுள்ளது.

இந்த குழுவில் மொத்தம் 15 உறுப்பினர்கள் இடம் பெற்றுள்ளனர். அவர்கள் விவசாய நிலங்களில் காட்டு விலங்குகளால் ஏற்படும் பாதிப்புகளை மதிப்பீடு செய்து, ஏற்கக்கூடிய தீர்வுகளை முன்மொழிவதை நோக்கமாகக் கொண்டுள்ளனர்.

பயிர்களுக்கு சேதம் விளைவிக்கும் விலங்குகளை நிர்வகிக்க சிறந்த முறைகளை ஆய்வு செய்தல்.

விவசாயிகள் எதிர்கொள்ளும் பிரச்சினைகளை நேரடியாக அறிந்து, தேவையான பாதுகாப்பு வழிமுறைகளை பரிந்துரை செய்தல்.

விவசாயப் பயிர்களுக்கு சேதம் ஏற்படாத வகையில், விலங்குகளை தடுக்கும் நவீன தொழில்நுட்பங்களை பயன்படுத்துவதற்கான யோசனைகளை முன்வைத்தல்.

இந்த சிறப்புக் குழுவால் முன்மொழியப்படும் அனைத்து பரிந்துரைகளும் மார்ச் மாத இறுதிக்குள் விவசாய அமைச்சரிடம் சமர்ப்பிக்கப்படவுள்ளது.

"பல ஆண்டுகளாக நிலவி வரும் இந்த பிரச்சினைக்கு தீர்வு காண தற்போதைய அரசாங்கம் முழுமையாக உறுதிபூண்டுள்ளது. இந்தக் குழுவின் பரிந்துரைகளின் அடிப்படையில், விவசாயிகளின் பயிர்களுக்கு ஏற்படும் சேதங்களை குறைப்பதற்கான பயனுள்ள தீர்வுகளை செயல்படுத்த உள்ளோம்" என விவசாய அமைச்சர் கே.டி. லால்காந்தா தெரிவித்துள்ளார்.

இந்த முயற்சி, இலங்கை விவசாயிகளின் நிலைமையை மேம்படுத்துவதோடு, காட்டு விலங்குகளின் தாக்கத்திலிருந்து பயிர்களை பாதுகாக்கும் முக்கியமான நடவடிக்கையாக இருக்கும் என எதிர்பார்க்கப்படுகிறது.

Srilanka Tamil News