ஏ.ஆர். ரஹ்மான் வைத்தியசாலையில் அனுமதி!!

ஏ.ஆர். ரஹ்மான் வைத்தியசாலையில் அனுமதி!!

சென்னை, மார்ச் 16, 2025: உலகப்புகழ் பெற்ற இசையமைப்பாளர் ஏ.ஆர். ரஹ்மான் இன்று காலை நெஞ்சுவலி காரணமாக சென்னையில் உள்ள அப்பல்லோ மருத்துவமனையில் அனுமதிக்கப்பட்டுள்ளார்.

மருத்துவமனை வட்டாரங்களின் தகவலின்படி, 58 வயதான ரஹ்மான் இன்று காலை 7:30 மணியளவில் மருத்துவமனைக்கு அழைத்துச் செல்லப்பட்டார். அவரது உடல்நிலை குறித்து உறுதி செய்ய, ஈசிஜி (ECG) மற்றும் எக்கோ கார்டியோகிராம் (Echocardiogram) போன்ற பரிசோதனைகள் மேற்கொள்ளப்பட்டுள்ளன.

மேலும், அவருக்கு விரைவில் ஆஞ்சியோகிராம் (Angiogram) பரிசோதனை செய்யப்படலாம் என மருத்துவ வட்டாரங்கள் தெரிவித்துள்ளன. மருத்துவக் குழுவின் நெருக்கமான கண்காணிப்பில் தற்போது அவர் உள்ளதாகவும் கூறப்படுகிறது.

ரஹ்மான் ரசிகர்கள் மற்றும் திரைபிரபலங்கள் பலரும் அவரின் விரைவான உடல்நலம் திரும்பவும் வேண்டி சமூக ஊடகங்களில் பிரார்த்தனைகளை தெரிவித்து வருகின்றனர். அவரது தற்போதைய நிலை குறித்து அதிகாரப்பூர்வ தகவல் விரைவில் வெளியாகும் என எதிர்பார்க்கப்படுகிறது.

Srilanka Tamil News