கொழும்பில் அடையாளம் தெரியாத இருவரால் வீதியில் வீசப்பட்ட சடலம்!!

கொழும்பில் அடையாளம் தெரியாத இருவரால் வீதியில் வீசப்பட்ட சடலம்!!

கொழும்பு வெல்லம்பிட்டி பொலிஸ் பிரிவுக்குட்பட்ட பகுதியில் இன்று (21) காலை 11.45 மணியளவில், முச்சக்கர வண்டியில் வந்த அடையாளம் தெரியாத இருவர், இறந்த நபர் ஒருவரை பிரதான வீதிக்கு அருகில் கைவிட்டுச் சென்ற சம்பவம் ஒன்று பதிவாகியுள்ளது.

பொலிஸாரின் விசாரணையின்போது, சடலமாக காணப்பட்ட நபர் கடவத்தை பகுதியைச் சேர்ந்த 56 வயதுடையவர் என உறுதிப்படுத்தப்பட்டுள்ளது. அவர் அதிகமாக மது அருந்தி மயக்கமடைந்ததாக குறிப்பிடப்படுகிறது. இந்த சம்பவம் அந்த இடத்தில் பொருத்தப்பட்ட சிசிரிவி கேமராவிலும் பதிவாகியுள்ளது. காணொளியில், ஒரு நபர் முச்சக்கர வண்டியை ஓட்டிக் கொண்டு செல்லும் போது, மற்றொரு நபர் இறந்த நபரின் உடலை தரையில் இழுத்துச் செல்கிறார்.

எனினும், அந்த நபர் ஏற்கனவே இறந்துவிட்டதாக கூறப்படுகிறது. இவரின் மரணம் தொடர்பாக காரணம் இன்னும் தெரியவில்லை. தற்போது, முச்சக்கர வண்டி மற்றும் அதன் சாரதியை கண்டுபிடிக்க மேலதிக விசாரணைகள் முன்னெடுக்கப்படுகின்றன.

இந்தச் சம்பவம் தொடர்பான மேலதிக தகவல்களுக்கு பொலிஸாரின் விசாரணைகள் முக்கியத்துவம் வாய்ந்ததாகும்.

Srilanka Tamil News