திரைப்படமாகும் மகிந்த ராஜபக்சவின் வாழ்க்கை வரலாறு!!

 திரைப்படமாகும் மகிந்த ராஜபக்சவின் வாழ்க்கை வரலாறு!!

கொழும்பு: முன்னாள் இலங்கை ஜனாதிபதி மகிந்த ராஜபக்ச அவர்களின் வாழ்க்கை வரலாற்றை அடிப்படையாகக் கொண்ட திரைப்படம் உருவாக்கப்படுவதாக தகவல்கள் வெளியாகியுள்ளன. இந்த திரைப்படம் Thawthisa Pictures நிறுவனம் சார்பில் மொஹான் பெரேரா தயாரிக்க உள்ளதாக அறியப்படுகிறது.

இந்த திரைப்படம், மகிந்த ராஜபக்ச அவர்களின் அரசியல் பயணம், உள்நாட்டு போர் முடிவு மற்றும் முக்கிய அரசியல் செயல்பாடுகள் ஆகியவற்றை பிரதானமாகக் கொண்டிருக்கும் என எதிர்பார்க்கப்படுகிறது. இந்திய தொழில்நுட்ப கலைஞர்கள் குழுவுடன் ஆலோசனைகள் நடைபெற்று வருவதாகவும் கூறப்படுகிறது.

எனினும், இந்த திரைப்படம் குறித்து மகிந்த ராஜபக்ச தரப்பில் இதுவரை அதிகாரபூர்வ அறிவிப்புகள் எதுவும் வெளியிடப்படவில்லை. மூலத் திரைக்கதை பிரதி மகிந்த ராஜபக்ச அவர்களிடம் சமர்ப்பிக்கப்பட்டுள்ளதைத் தவிர, அதிகாரபூர்வமாக இன்னும் எந்தவொரு தகவலும் வெளிவரவில்லை.

மேலதிக விவரங்கள் விரைவில் வெளியிடப்படும் என தெரிவிக்கப்படுகிறது.

Srilanka Tamil News