துபாயில் இருந்து வருகை தந்த இருவர் : கட்டுநாயக்க விமான நிலையத்தில் கைது!!

துபாயிலிருந்து இலங்கைக்கு வருகை தந்த இரண்டு நபர்கள், நாட்டிற்கு சட்டவிரோதமாக சிகரெட்டுகளை கொண்டு வந்த குற்றத்தில் கட்டுநாயக்க விமான நிலையத்தில் கைது செய்யப்பட்டுள்ளனர்.

விமான நிலைய அதிகாரிகளுக்கு கிடைத்த தகவலின் அடிப்படையில், 22ஆம் தேதி இரவு இந்த நடவடிக்கை மேற்கொள்ளப்பட்டது. குருநாகலைச் சேர்ந்த 41 வயதுடைய சந்தேக நபரிடமிருந்து 10,000 சிகரெட்டுகள் பறிமுதல் செய்யப்பட்டுள்ளதாக பொலிஸார் தெரிவித்துள்ளனர். மேலும், மற்றொரு பெண் சந்தேக நபரிடமிருந்து 23,600 சிகரெட்டுகள் கைப்பற்றப்பட்டுள்ளன.

இது தொடர்பான மேலதிக விசாரணைகளை விமான நிலைய பொலிஸார் முன்னெடுத்து வருகின்றனர். இந்தச் சட்டவிரோத கடத்தலின் பின்னணி மற்றும் இறக்குமதி தொடர்பான தகவல்களை திரட்டும் பணிகள் தொடர்கின்றன.

Srilanka Tamil News